睇完呢頁，你就識用。
ClInv 係你嘅 AI 會計：講句嘢開單、WhatsApp 發 PDF 賬單、客戶上傳入數紙自動對賬、到期自動催收。全程五分鐘上手。想睇動畫版可以去 3 分鐘動畫圖解。
1註冊＋填公司資料
去 /register：填品牌名、WhatsApp 號碼、email、密碼，揀計劃（14 日免費試用，試用完先收費）。
- 品牌名＝單據頂欄對外名稱；收款單位可以是另一個法律實體（品牌同收款分離）。
- 銀行戶口／FPS 等收款資料而家由系統管理員設定；設定後每張單自動帶出。
2開單（三個方法，任你揀）
方法 A — 講句嘢開單（推薦）：Dashboard 頂部「💬 講句嘢開單」輸入要求，AI 出草稿，你撳「確認出單」。
「開張單俾萬利龍有限公司，系統開發服務五千蚊，30日後到期」
→ AI 自動認出舊客戶、填金額 HK$5,000、Net 30，你確認即出。
方法 B — 手動開單：撳「＋ 開發票／＋ 開報價」，逐欄填，自動存檔。
方法 C — 報價轉發票：報價單狀態 mark 做「已接受」後，一鍵 convert，品項金額全帶過。
💡 編號自動配（QUO/INV-年月-隨機碼），狀態機：發票 已開出→已送出→已收款（逾期自動標記）；報價 草稿→已送出→已接受。
3發送賬單畀客戶（WhatsApp）
單據頁撳 「📲 WhatsApp 出單」，輸入客戶號碼，系統會發一則訊息：
- 品牌＋單號＋金額
- 📄 PDF 賬單短連結（黑金專業版面，A4 兩頁）
- 收款資料（銀行／戶口）
- 入數紙上傳短連結（放最後，附感謝語）
💡 發送後單據自動由「已開出」轉「已送出」。仲可以撳「⬇ docx」拎 Word 檔，或「🖨 列印版」存 PDF 自己 email 出。
4收錢：客戶上傳入數紙 → 你一撳確認
- 客戶付款後撳訊息內嘅連結，上傳入數紙（JPG／PNG／PDF，上限 5MB）。
- 你會即時收到 WhatsApp 通知「新入數紙待核實」。
- 單據頁會見到入數紙預覽＋AI 對賬建議（自動讀出金額同單據對唔對）。
- 核實冇問題 → 撳 「✓ 確認收款」，單據轉「已收款」，summary 即時更新。
💡 AI 只建議，永遠唔會自動幫你過數——確認權永遠喺你手。
5自動催收（唔使開口追數）
未收單據到期 前 3 日／到期日／逾期 7 日，系統自動經 WhatsApp 提醒客戶，語氣逐級遞進，附入數紙上傳連結。每級每單只發一次，唔會轟炸。模板可自訂（搵管理員改）。
6定期自動開單（月費／季費／維護費）
Dashboard 底部「🔁 定期自動開單」設定週期收費：到期日系统自动出單，設咗客戶號碼仲會自動 WhatsApp 發送，之後自動推下期。停用一撳就得。
7盤點
Dashboard 頂部四張卡：發票總額／已收／未收／逾期（報價數另列）。列表可按狀態、客戶、年份篩選。
常見問題
- 開錯單點算？
- 單據頁直接改（自動存檔，同編號覆蓋，登記冊會記修訂時間）；作廢就 mark「已作廢」。已開出嘅單修改狀態唔會跌（例如已收款唔會因改內容而變返未收）。
- 客戶冇 WhatsApp？
- 用「🖨 列印版」存 PDF，email 或人手傳都得；入數紙連結一樣可以用短連結形式copy 俾客。
- 試用期完結會點？
- 系統自動開訂閱賬單（經 WhatsApp 發送），付款後繼續用；唔續就停用，數據永遠可以導出。
睇 3 分鐘動畫圖解 → ｜ 立即免費試用 →